Institut za sorabistiku Lipšćańskeje uniwerzity pśewjeźo 18ego měrca ze studentkami masterskego studiuma serbskorěcnu ekskursiju kołowokoło janšojskeje jamy. Renej Šejc jo dłujkolětny cłonk brunicowego wuběrka kraja Bramborska, nawjedujo ekskursiju a pokažo a rozkładujo wšake k stawiznam teje jamy, na pśikład kaki wliw jo jama měła na susedne jsy abo kak su se luźe wót 1980ych lět až do źinsajšnego pśeśiwo njej woborali? Stacije budu mjaz drugim Klinka, wjeźo pón do archiwa wótbagrowanych jsow Grěšno, Dubojce, Grabkow a Janšojce.

Městna su wobgranicowane, ale institut pobitujo teke eksternym zajmcam se wobźeliś. Rěcne znaśa su pak trjebne, pśeto cełe zarědowanje buźo w serbskej rěcy. Wótjězd buźo zajtša zeger 8:30 w měsće a końc wokoło zeger 16:00. Wobjed a zastup do archiwa matej se sam płaśiś. Transport móźo se rědowaś. Zajmce dejali se pśizjawiś do 10. měrca pla: This email address is being protected from spambots. You need JavaScript enabled to view it.